【iScream雪糕機 屋企都整到雪糕？】
有無諗過屋企都整到雪糕？鐘意食雪糕既你一定要試下自己整黎食，感覺一定好爽，有杯屬於自己口味的雪糕。嗱，小編又有好野介紹以大家啦，就係iScream既Smart Double Flavour雪糕機！
來自美國iScream既Smart Double Flavour雪糕機可以整到屬於你自己的雪糕。佢既size唔會好大，大概一個足球既兩倍，小編就覺得好似放大版既精靈球！而且佢入面分開兩個部分，分別有兩邊搞拌器，可以整到兩種口味既雪糕添！佢既透明上蓋上面有兩個窿，比你倒野落去。用法非常簡單，只要將所需的材料拌勻，再倒落去，㩒個制就搞掂！大約半個鐘就食得！
而且佢仲有個App比你一齊用，可以係入面揀你鐘意既雪糕，仲有埋個食譜添。仲可以係部電話度較整雪糕既時間，佢就會透過藍芽connect去部雪糕機。而且整好左，部電話仲會自動提示你添，非常方便！
有左Smart Double Flavour 雪糕機，大人小朋友都可以一齊整雪糕！因為個蓋係透明，小朋友仲可以望住整雪糕既過程添。佢仲要配埋Midnight Scoop雪糕羹，用都方便啲！佢有五隻色揀，藍色、灰色、黃色、綠色、紅色！