【 Sassy Stash 特工Lace大腿收納包】
小編係一個特工電影粉絲，最愛Angelina Jolie同Brad Pitt經典到爆嘅《史密夫與史密妻》! ! 大家記唔記得啊史密妻係大腿到成日又放槍又放刀，拎出黎果陣輕輕掀開條裙，露出少少Lace邊，型得黎又性感，性感得黎又惹火，唔怪之得Brad Pitt心動喇 ! (比我都心動啊 >_<)
來自意大利嘅Sassy Stash 品牌就設計左依對充滿”性感女特工”氣息嘅Lace大腿收納包俾各位女士。優雅精緻嘅Sassy Stash雙層Lace設計，每層分左6格，所以總共有12格，可以放電話、卡、唇膏等等。咁Happy Friday時就唔洗突登帶個袋啦，方便又輕鬆! 係大腿收納包拎野出黎嘅時候仲可以借啲意擺個誘人嘅姿勢，放個殺死人嘅眼神，唔洗主動出擊已經嬴哂 !
Sassy Stash有三種顏色，分有粉紅色、薰衣草色和黑色，仲好體貼咁係最貼近皮膚果層設有矽膠綁帶，同時Velcro尼龍扣帶可以令Sassy Stash固定係腿上，咁著上身時就唔會咁容易滑落黎。簡直係史上最惹火嘅秘密武器啊 !就算唔放野落去，就咁著都已經暈哂大浪喇 !
各位女士們，係時候出招啦 !!