你地平時會唔會踩單車呢？如果有就啱啦，小編黎緊介紹呢個產品，你一定覺得好正，佢就係一款突破傳統設計既單車 Halfbike II！
 
來自Kolelinia既Halfbike II係一款由 2 個大型既前輪同 1 個較小型既後輪造成既單車，外形設計同小朋友既 Scooter 有啲似。佢雖然有單車腳踏、齒輪同鏈條，但就無座位。Halfbike II 最大特色係可以企住黎踩，動作同慢跑相似，好正呀！而且佢透過擺動車頭轉向，感覺同電單車入彎有啲相似。
 
另外，設計 Halfbike II 既團隊仲話佢既騎乘感同單車截然不同，而且設計以便攜為考慮，騎起上黎仲幾好玩添！