有無諗過鍵盤都可以係個衫袋攞出黎？小編講真嫁，前幾日小編上網見到個摺疊鍵盤，就即刻想分享比大家，佢就係號稱最輕最薄既可摺疊鍵盤Wekey Pocket！
來自韓國既Wekey Pocket係一個可摺疊鍵盤，佢既厚度只有6mm，係摺疊狀態下，都只係15.4×8.7cm，放入個袋無難度！佢擁有傳統鍵盤上既所有按鍵，包括字母、數字等，但就無觸控板。係快捷鍵上，仲有相機、藍芽配對、音量調節、Home、簡訊、系統選擇（Windows、Android、iOS）等按鍵組合添，好正呀！
佢通過左側既USB充電，係你開佢既瞬間，佢就會自動“開機”。內建200毫安既電池，可以待機一個月，如果按每日用2個鐘黎計既話，佢可以用到2個月。而且佢仲防水添！