【隱形moky = touchpad加keyboard？ 】
唔知你地鐘意用實體既鍵盤定係 touchscreen 呢？小編就鐘意實體鍵盤多啲，因為鐘意佢敲擊鍵盤清脆既聲音，感覺都踏實啲。但 touchscreen 就比較方便啲。韓國既 Moky keyboard 就可以一次過滿足到你兩個願望!
來自韓國既moky係一個虛擬觸控板，但同時又係鍵盤喎，仲可以連接iPad或者手機，咁就可以多出個鍵盤用啦。而且個鍵盤仲好薄添，非常輕便！其實moky係以實體鍵盤為主，上方有一個隱形觸控板，可以透過紅外線來黎感測我地既手勢，無論係拖曳游標、敲擊點選、滾動頁面、兩指放大縮小等既操作，都可以直接係鍵盤上執行！非常神奇阿！咁就可以隨時係鍵盤模式同觸控模式之間切換啦，只要輕觸感應區就可以變成touchscreen！而且moky仲可以透過藍牙同USB，同其他設備連接。佢既設計仲可以比你擺部iPad係鍵盤前面添，非常方便！
有呢部moky虛擬觸控板，咁就可以邊享受敲擊鍵盤既聲音，邊享受touchscreen既感覺。想變鍵盤又得，代替滑鼠亦得！佢最近仲推出左橘色同藍色添，仲有 8 種語言既鍵盤配置。見佢咁吸引，小編都想買返個黎用！