【Power Up 3.0遙控紙飛機】抽獎活動公布喇!

感謝大家踴躍參與這次抽獎活動喔!你們的支持,令我們更有動力分享更多的創意東西吖:)
** 2位** 幸運兒將各獲得"Power Up 3.0遙控紙飛機"一個:

1) Victor Lau

2) Kwok Hei

得獎者可以pm 我們喔: https://www.facebook.com/SearchingC/messages/

 

Google Translate直接Scan就得?


【Google Translate直接Scan就得? 】

話說最近小編聽朋友講,原來而家想查啲字點解 可以就咁對住黎scan就得。小編心諗,唔係嘛咁正?如果係既話,都幾方便,唔洗再打字咁麻煩。

原來Google Translate個app就可以做到!只要㩒入面相機,再揀返要咩語言轉咩語言,跟住將相機對住個字,佢就會自動幫你翻譯架啦。咁去旅行既時候,遇到唔識既字句,只要拎部電話出黎scan一scan就即刻清楚哂,方便又快捷!

等小編都快啲down返個Google Translate app先! 咁以後就唔洗再打字check解釋,就咁scan就得嚕!

迷你萬能銀包 乜都裝到?

【迷你萬能銀包 乜都裝到?】

大家有無試過因為用大銀包而覺得好唔方便?有時咩細袋,或者拎好多野既時候,個銀包越細就越方便。所以小編而家都用緊cardholder黎當銀包,但就成日跌哂的散銀出黎,好麻煩。咁啱Magnetic Stealth Pocket就幫到小編啦!

來自Band-it 4.0 Wallet既Magnetic Stealth Pocket就好似個萬能銀包咁,可以裝到所有需要既野,但個外形就非常輕巧。呢個迷你銀包可以放到十張卡、cash、散銀,同埋鎖匙添!佢製造既物料仲用左真皮、彈既繩同磁條。 仲有阿,佢利用磁條同彈力去鎖實銀包入面既野,咁就可以防止散銀會跌出黎啦!

有左呢個Magnetic Stealth Pocket,就唔洗驚個銀包太大擺唔落褲袋啦,咁方便袋住佢去邊都得!而且佢個外型fashion得黎又夠function,仲有好多款同色揀,實有個啱心水!

貓貓自己都識剃毛?

【貓貓自己都識剃毛?】

唔知大家屋企有無養貓呢?小編屋企就有隻好曳既貓仔,每次想幫佢剃毛都好麻煩,佢成日跑黎跑去,整到啲貓毛周圍都係 。小編最近就揾到樣product既可以幫貓按摩,又可以幫佢地剃毛!就係Pet Arch Bristles Cats Massager 拱型貓貓按摩器!

來自義烏市最大的珠寶市場既Pet Arch Massager係一個拱型既刷,當貓穿過佢話既時候,個刷就會自動幫到貓除毛,而啲貓毛亦會藏係個刷度,咁就唔會整到啲貓毛周圍都係啦!佢係膠造既,長38x38x35cm。呢個拱型貓貓按摩器直頭可以當係玩具比佢地玩!

呢個Pet Arch Massager直頭一舉三得,既可以除毛,又可按摩,亦可以當係玩具比貓玩!而且個刷仲可以拆出黎,所以要清理貓毛都好容易。有呢個拱型貓貓按摩器,以後就唔洗咁辛苦人手剃毛啦,小編都要買返個先得!

第一代 3D立體筆?

【第一代 3D立體筆?】

小編之前上網揾到第一代既 3D立體筆,同樣係用枝筆就可以畫到立體既圖案。佢地係一點一滴咁熔解再擠出塑膠物質,呢枝3Doodler既3D立體筆同樹脂既3D列印筆唔同。所以小朋友用就要小心啲啦!

來自美國3Doodler既第一代新3D立體筆係用塑膠物質為原料,可以畫出任何既立體模型! 大人小朋友都可以隨心「畫」出心入面既立體圖案,唔再需要倚賴咁貴既3D printer,發揮你創作小宇宙!

全球已經預訂超過32,000支3Doodler啦,佢亦都獲得時代週刊選為2013年度最佳發明之一添,Log-on都有得賣嫁!

切pizza好幫手?

【切pizza好幫手?】

話說小編琴晚係屋企call左塊大pizza食,點知一打開塊pizza仲未切,經過一番手忙腳亂終於切完,但就切到塊pizza勁核突。有時買左啲盒裝pizza返黎,切既時候都有啲麻煩。好彩最近比小編揾到把 好creative既pizza較剪,相信大家都可能上網見過!

來自澳洲Dreamfarm既scizzas係一把好特別既較剪,當你剪完塊pizza既時候,塊pizza就會隨住把較剪既墊拎出黎,咁就唔洗左切右切咁麻煩啦!Scizzas就好似一部拖拉機咁拖塊pizza出黎,認真方便呀。

有左呢把咁方便既scizzas,以後就算塊pizza無切都唔洗驚啦!絕對啱哂愛好pizza既朋友仔呀,小編都要即刻買把黎用先!

【Power Up 3.0遙控紙飛機】**大抽獎**

【Power Up 3.0遙控紙飛機】**大抽獎**

耶! 今個星期抽獎又黎啦! 今次我地係會送出2個之前小編推薦過俾大家嘅Power Up 3.0 紙飛機 !!!

美國設計師話你聽,紙飛機都可以遙控! 佢叫Power Up 3.0 ,把它裝在紙飛機上,再加上Download埋個App, 就立即變為遙控飛機,衝上雲霄!PowerUP 3.0 以藍芽連接飛機與手持裝置,可以看到App上的介面就像是飛行員所看到的儀表板,能看到電池、角度、上升下降等資訊。手機左右擺動便可以直接控制螺旋槳上的尾翼擺動,以操控飛機的飛行軌跡。

PowerUp 3.0 採用USB充電,一般的行動電源也可以充電,續航力免擔心。想一嘗遙控紙飛機嘅滋味? 就快啲參加我地今次嘅大抽獎遊戲啦 ~
依個星期我們會送出2個Power Up 3.0遙控紙飛機俾大家體驗美好設計!!

參加方法好簡單喔:
1. LIKE 我們的Facebook 專頁
2. LIKE 此post+ SHARE 去自己 Facebook 再 tag 1位朋友(請設定 Public)
3. 用 Facebook login “https://searchingc.com/my-account/"
4. 於此post透過留言回答以下問題:
「你最想同邊個玩依個Power Up 3.0遙控紙飛機呢? 點解?」

我們將會抽出 **2位** 幸運兒,各獲得一個Power Up 3.0遙控紙飛機喔:)

抽獎活動將於周日(2015年8月16日晚上11時59分)結束。
有關得獎結果將會於下周一(8月17日)於本專頁公佈喔。

希望大家能體驗一些好的設計,支持原創設計^.^

安全時尚 智能創新錢包SECRID!

【安全時尚 智能創新錢包SECRID!】

大家好!又到小編時間啦:p大家有無試過用信用卡同銀行卡之類,無啦啦有一日壞左用唔到,覺得好灰呢? 可能平時大家將銀包放係後褲袋裡坐得多既時候導致智能卡片彎曲折損,導致晶片及磁帯失靈,所以成日都需經常換領新卡!!!!真係好唔方便囉!!有時急需提款既時候先黎壞!真係灰到一個點!!所以呢小編見到呢個SECRID錢包!覺得好帥氣又解決到我既問題!

呢個 SECRID 是由荷蘭資深設計師 René van Geer 及 Marianne van Sasse van IJsselt 精心設計!點解我話可以解決到我既問題?因為SECRID錢包核心均採用鋁合金整體無縫打造,除可保護智能卡免於彎折外,同時亦為數碼防火牆,能有效隔絕外界對錢包內智能卡的掃描,縱在滑出正常使用之時依然大大減低射頻訊號,繼續保障您的隱私,讓您可安心使用你的智能卡。用法好簡單只係張卡放入去,再按一按下方的黑色鍵,就可以將 Cardprotector 內的卡推出來啦!係埋好方便呢!

呢個銀包細細個,又有咁多間隔都幾方便。男仔出街唔帶袋呢個 size 放褲袋啱啱好,女仔唔想帶太多野放入細袋都好適合。佢只係咁大炸(65 x 102 x 21mm)姐係大過張八達通小小左右炸!!!

只要有Ripples 拉花再唔係一個問題 !!

【只要有Ripples 拉花再唔係一個問題 !!】

每次出外飲咖啡,都期待有個美女咖啡師定型男咖啡師為你精心炮製一杯咖啡,最好就有一個好靚既拉花啦 !如果佢肯為你拉花通常杯咖啡都好正! 可惜呀小編未試過有一個美女咖啡師沖杯拉左花既咖啡....唉! 不過其實每一次拉花都好花時間既,係香港地方咁忙邊有人得閒去拉花呀 (小編心聲:藉口!!!)

而咖啡拉花是一門藝術,而且又要下苦功才能拉出你心目中的圖案。如果你不喜歡花時間去學,小編又搵到一樣好野啦![Ripples Maker]幫到你!!是一部專為拉花而設的機器,最大特色是你想印乜就印乜!

其實Ripples Maker 可以在專屬手機app內加入你想印出的文字、圖案,甚至是照片,(當然乜圖片都可以啦!你懂的 A_A)然後經Wifi傳送到Ripples Maker ,10秒後你的傑作就會在咖啡杯中出現。Ripples Maker 使用3D列印及噴墨打印技術,印出來的圖案不但清晰,而它大小只有 8.5×10.5 英寸,并配有一个液晶显示屏,最重要是幾乎任何圖案都難不到它,難怪有媒體說,有Ripples Maker 幫手,咖啡師都要失業了……

其實Ripple的生產商是Steam CC公司,不過Ripples Maker 係沒有炮製咖啡的能力。所以都要自己沖一杯靚咖啡再配Ripples Maker既拉花就完美啦!!享受呢杯咖啡既時候再看著這麼靚既拉花!心情都好d。

最輕巧既隨身scanner ?

最輕巧既隨身scanner ?

又係小編啦!大家仲記唔記得小編分享過一個好正既mouse scanner?最近小編又揾到個一樣咁正既隨身scanner,唔同既地方就係呢個更加輕便,出街用亦得。佢就係POCKETSCAN啦!

來自瑞士 Dacuda 既 POCKETSCAN 號稱係最細最smart既無線scanner,佢既size大約係小朋友既手掌咁大。佢仲可以連接去電話、tablet、PC 、Mac等,非常方便!佢仲有藍芽裝置,而且scan 出黎既quality同像素都好高!只要係需要scan既野上面掃就可以好輕易scan到啦!有時想 scan 食譜阿菜單等等既野都得,又可以隨身帶佢出街!

有 Dacuda 呢個 POCKETSCAN,咁小編就可以去到邊scan到邊!佢仲好輕添,唔會話好重,絕對適合帶出街用,大人同細路都啱用嫁。

呢個 POCKETSCAN 一定係最輕巧既隨身scanner!

飲出不一樣的水樽 Aqua Zinger 健康又特別 !

【飲出不一樣的水樽 Aqua Zinger 健康又特別 !】

平時小編很少飲水,因為覺得水無味道唔會多飲,所以平時都係買野生飲 ! 但小編只係打工仔,次次都係出面買野飲,計計價錢都幾貴 ~想飲野,但又唔想飲水,又想慳錢,可以點做? 啦啦啦啦!就係呢個[飲出不一樣的水樽],佢可以將水變成有味道!!

[飲出不一樣的水樽] 可以將生果或自己喜歡的配料混合,創造岩自己口味的純天然飲品! 用法簡單! 首先擰開水樽的底部,添加你所選擇的成分,再入水,搖一搖就OK啦! 等20分鐘浸耐啲,味道更濃郁! 呢個水樽可以裝唔止一杯水嫁!! 飲多啲水,仲可以健康d 添。

裝水位又寬闊喎,夏天可以裝埋冰添啊。裝生果部份容量都好大,可以有好多風味選擇,又容易清洗。樽外面仲用左柔軟既橡膠墊,防止你手滑。仲採用左運動品樽蓋,放便飲用!! 正啊 !!呢個[飲出不一樣的水樽]就係我健康生活嘅開始!!
創意無限,設計師加油!

iPhone都可以拍到高質電影?


【iPhone都可以拍到高質電影? 】

呢排小編迷上左啲外國既戲,皆因佢地既拍攝技巧、filter等等既野都好正!鐘意睇電影既你,想唔想自己都試下拍電影呢?拍電影又唔洗下下都要啲好pro既相機先得既,新出既CS1 Cinematic Smartcase就幫到你喇!

來自美國Lumenati既CS1 Cinematic Smartcase係一個比iPhone6用既case,但佢唔係普通case咁簡單!佢係一個有相機鏡頭同手柄既smartcase,佢既外型就好似一把槍。你只需要插部電話入去個case度,佢就自動將拍到既影像連去電話,仲可以調較唔同filter添!而且又可以自己替換唔同既鏡頭,好似魚眼阿廣角等等,認真方便!如果想夜晚拍,仲可以附加一個閃光鏡上去!

呢個CS1 Cinematic Smartcase好容易控制,佢既size大概一個手掌咁大。而且佢仲可以加個mic去收音添,為求拍出專業既效果!佢有六隻色揀,例如粉紅、黃、藍、紅、湖水綠、橙色。有左CS1,小編就可以去到邊都拍到電影既場景,電影迷一定唔可以錯過!

TheBeebo 便是爸爸的喂奶神器

【 TheBeebo 便是爸爸的喂奶神器】

小編最近成日幫家姐照顧bb,就明白為人父母真係好辛苦既事!又要成日喂奶!
你地知啦喂奶個陣一手抱緊個bb一手拎住個奶樽已經無手啦!!haha小編就成日手機不離手嫁啦!但邊有手回覆人d信息呀!仲有做緊野既時候連單手工作都唔得!!都幾煩惱。最近又被小編上網見到呢個TheBeebo!!岩哂呢個時候用。

TheBeebo是一個家庭的父親Martin因為煩惱喂奶既問題!上網搵又沒有這方面的工具而產生出黎既產品!佢就係你最需要多一隻手去喂奶既時候用!!(恩物又出現啦!!)其實TheBeebo是一個掛在肩膊上的托奶樽輔助器!而它可以360度旋轉方便就岩bb飲奶的角度!!!而TheBeebo幾乎適合所有的嬰兒奶樽。仲好易於清洗。仲可以捲起方便拎出街使用!

最關心的問題是安唔安全??由於Beebo由家長設計,在安全意識上所有材料均不含BPA,無鉛和無phalates。仲符合人體工程學設計,無扣,夾子或帶子。仲有三隻顏色tim!分別是橙色、黃色同藍色!

野外生火好幫手!?

【野外生火好幫手!?】

唔知你地有無試過同朋友露營呢?小編中學個陣成日去啲野外定向camp,例牌每次都要自己起火煮野食,但成日都好難起到火,就算起到都好快熄返。如果有樣野可以好快起到火就好啦,小編最近就揾到條Survival Bracelet係專用黎起火既!

來自美國Bomber & Company既Firestarter Survival Bracelet係專設計比啲需要野外生火既朋友仔。就算你唔需要經常生火,都可以就咁當手帶戴,一舉兩得呀!當你要起火既時候,只需要除落黎不停磨擦Survival Bracelet頭尾兩個扣就得架啦,認真方便!兩個扣係由燧石同鋼造成,所以佢地不停磨合既時候就自然有火花出現啦,只要連續磨擦大約十下就得架啦!

Survival Bracelet既編織好特別,就算唔用黎起火,就咁戴都好型!仲可以加個扣係條帶度,用黎掛鎖匙係條褲度添!有左呢條手帶,小編同朋友去露營就可以方便又快捷咁生火啦。呢條Survival Bracelet絕對係野外生火好幫手!

【IceCap速冷杯 大抽獎】

【IceCap速冷杯 大抽獎】

耶! 今個星期抽獎又黎啦! 今次我地係會送出2個之前小編推薦過俾大家嘅IceCap速冷杯 !!!

夏日炎炎,曬都曬到暈! 我諗你同小編一樣都想無時無刻嘆番杯凍飲 ! 但加冰又會沖淡了飲品,所以美國Peter Provart先生設計左IceCap !! IceCap 係一款內置冷凍液與螺旋導管嘅便攜速冷杯,平時可以放係冰箱中冷凍,使用時將IceCap放係杯子上,酒類飲料等經過內部的管道流入杯裡面,就可以冷卻至適合嘅溫度!SO COOL!

想飲得有型飲得有態度? 就快啲參加我地今次嘅大抽獎遊戲啦 ~
依個星期我們會送出2個IceCap速冷杯俾大家體驗美好設計!!

參加方法好簡單喔:
1. LIKE 我們的Facebook 專頁
2. LIKE 此post+ SHARE 去自己 Facebook 再 tag 1位朋友(請設定 Public)
3. 用 Facebook login “https://searchingc.com/my-account/"
4. 於此post透過留言回答以下問題:
「你會用IceCap 冰凍咩飲品呢?點解?」

我們將會抽出 **2位** 幸運兒,各獲得一個IceCap速冷杯喔:)

抽獎活動將於周日(2015年8月9日晚上11時59分)結束。
有關得獎結果將會於下周一(8月10日)於本專頁公佈喔。

希望大家能體驗一些好的設計,支持原創設計^.^

2015最潮最方便既 防水相機袋


【2015最潮最方便既 防水相機袋 】

話說小編最近買左部相機玩,得閒就帶佢去影下啲風格圖。呢排又成日無啦啦落雨,搞到個相機袋好容易整濕,好彩部相機都無穿無爛!你話喇,一個方便既相機袋係幾咁重要!咁好彩小編呢排又發現到樣正野,啱哂啲影相發燒友!

來自意大利Miggo既AGUA IPx3防水相機袋,用左特別既物料製造,無論掂到幾多水都唔會整濕到部相機。而且佢方便又實用,只要拉一下拉鏈,揭開個袋就可以好輕易咁攞到部相機出黎!仲有阿,相機袋果條帶可以就咁拉一拉就變長,非常方便。

呢個相機袋仲可以斜咩添,咩住黎周圍影相都得!有左呢個AGUA IPx3相機袋,小編就唔洗再驚整濕部相機,下次影雀仔就可以光速拎部相機出黎啦yeahhhh!呢個防水相機袋絕對啱哂鐘意影相既你!

去旅行既好幫手?

【去旅行既好幫手?】

呢排個個都去旅行,小編上個禮拜都去完返黎!但小編發覺每次去旅行都會將啲野擺到好亂,有時出去想就咁帶個細袋仔,但又放唔哂啲passport阿、太陽眼鏡阿、電話果啲野。嗱,所以小編最近就揾到件萬能Jacket益下大家,聽講可以將啲野放哂落去!
 
來自芝加哥 BAUBAX 既 Jacket 有超強的收納功能,件Jacket有好多暗格可以擺野,例如iPad阿、passport阿、太陽眼鏡阿、電話呢啲絕對無問題,咁就方便好多啦!衫領果度仲可以變成頸枕,用既時候自己吹氣就得架啦,去到邊都用得,有時想拆出黎又得!
 
仲有啊 ! 件Jacket仲有好多款同顏色比你揀添,唔洗怕搵唔啱自己既style。有左BAUBAX呢件無敵Jacket,下次小編去旅行就唔洗怕唔見野啦,呢件Jacket絕對係去旅行既好幫手!

唔燙手新型3D列印筆?

【唔燙手新型3D列印筆?】

小編之前上網見到啲3D列印筆,佢地好神奇,只係用枝筆就可以畫到立體既然圖案。但唯一既壞處就係會燙到手,因為佢地係一點一滴咁熔解再擠出塑膠物質。所以小朋友用就會比較危險,咁小編最近就發現到CreoPop既一枝新型樹脂3D列印筆,仲適合大人小朋友用添!

來自 CreoPop 既新 3D 列印筆係用樹脂為原料,噴出透過紫外線固化既樹脂,咁就可以減少比原料燙傷既危險!而且呢種樹脂一啲都唔熱,小朋友都可以用到!佢仲提供唔同顏色同種類既墨水,好似夜光墨水阿、隨住温度變化颜色既墨水等等,非常特別!如果無電既話,仲可以用USB叉電,就咁插落電腦就叉得,超級方便!

大人小朋友都一定啱用呢枝樹脂3D列印筆呀,去到邊畫到邊都得,安全又方便,小編都要即刻買返枝先得!